RU

Зейнет жасына келсе де ел басқарып жүрген «қарт» шенеуніктер кімдер?

Елімізде жасы алпысты алқымдаса да бүгінде ел басқарып, биліктің тізгінін ұстап жүрген шенеуніктер аз емес. Олардың арасында облыс әкімдерінен бастап биліктің әр саласында жүрген шенеуніктер де бар. NUR.KZ порталы ел дамуына елеулі үлес қосқан, қарт-шенеуніктердің тізімін ұсынады.

Коллаж: NUR.KZ
Коллаж: NUR.KZ: UGC

Зейнет жасына келсе де көп жылдар бойы билікте жүрген Әділбек Рыскелдіұлы Жақсыбековтың жасы бүгінде 64-те. Қызмет жолында әкім, сенат депутаты, министр болып үлгерген ол бүгінде президент әкімшілігін басқарып отыр.

Фото ашық дереккөзден алынды
Фото ашық дереккөзден алынды: UGC

Парасаттылық пен ізеттілік сияқты асыл қасиеттерді бойына жинай алған Қасымжомарт Кемелұлы Тоқаевтың да жасы алпыстан асып кетті. Бір жылдары елдің сыртқы істер министрлігін басқарған шенді премьер-министр қызметін де атқарған еді. 65 жастағы азамат бүгінде сенат төрағасы қызметін ақтарып жүр.

Фото ашық дереккөзден алынды
Фото ашық дереккөзден алынды: UGC

Ел есінде Алматы мен Астана қалаларының әкімі ретінде қалған Иманғали Нұрғалиұлы Тасмағамбетовтың да жасы 62-ге келіпті. Әр жылдары президент әкімшілігін, Атырау, Алматы, Астана қалаларын басқарған Тасмағамбетов қазір Қазақстанның Ресейдегі елшісі қызметін абыроймен атқарып жүр.

Фото ашық дереккөзден алынды
Фото ашық дереккөзден алынды: UGC

Сол сияқты облыс басшыларының да арасында зейнет жасына келген әкімдер бар. Солардың бірі – Амандық Ғаббасұлы Баталов. 1952 жылы дүниеге келген шенеунік қазіргі таңда Алматы облысының әкімі қызметін атқаруда.

Зейнет жасына келсе де ел басқарып жүрген «қарт» шенеуніктер кімдер?
Зейнет жасына келсе де ел басқарып жүрген «қарт» шенеуніктер кімдер?: UGC

Шығыс Қазақстан облысының әкімі Даниял Кенжетайұлы Ахметовтың да жасы пайғамбар жасынан асып кеткен. Бір кездері ел үкіметін басқарған ол біраз жыл бойы биліктен қол үзіп қалғаны да жасырын емес. Тек 2014 жылы ғана Ахметов Шығыс Қазақстан облысының басшысы қызметіне тағайындалды.

Зейнет жасына келсе де ел басқарып жүрген «қарт» шенеуніктер кімдер?
Зейнет жасына келсе де ел басқарып жүрген «қарт» шенеуніктер кімдер?: UGC

Зейнет жасына келіп, күні бүгінге дейін ел басқарып жүрген әкімдердің бірі – Бердібек Мәшбекұлы Сапарбаев. Тәуелсіздік алған жылдардан бері Оңтүстік Қазақстан, Қызылорда, Шығыс Қазақстан облыстарының әкімі болып үлгерген Сапарбаев бүгінде Ақтөбе облысының басшысы қызметін атқарып отыр.

Зейнет жасына келсе де ел басқарып жүрген «қарт» шенеуніктер кімдер?
Зейнет жасына келсе де ел басқарып жүрген «қарт» шенеуніктер кімдер?: UGC

Күні кеше ғана өзінің 63 жасын тойлаған облыс әкімінің бірі – Қырымбек Елеуұлы Көшербаев. Әр жылдары Батыс Қазақстан, Маңғыстау облыстарын басқарған шенеунік қазіргі таңда Қызылорда облысының әкімі қызметін атқаруда.

Фото ашық дереккөзден алынды
Фото ашық дереккөзден алынды: UGC

Мақаланың түпнұсқасы: https://kaz.nur.kz/1734141-zejnet-zasyna-kelse-de-el-baskaryp-zrgen-kart-seneunikter-kimder.html