RU

Ағзаға түк пайдасы жоқ дәрумен түрлері белгілі болды

Канадалық медицина ғалымдары көпшілік жиі тұтынатын дәрумендердің ағзаға түк пайдасы жоқ екенін анықтады. Бұл туралы ria.ru сайтына сілтеме жасаған NUR.KZ порталы хабарлайды.

Көрнекі фото: ria.ru
Көрнекі фото: ria.ru: UGC

Зерттеушілер 2012-2017 жылдар аралығында дәрумендер қабылдайтын адамдардың ағзасын үздіксіз бақылап отырған. Нәтижесінде ең көп қолданылатын кальций, C және D дәрумендері жүрек қан-тамыр жүйесінің қызметіне, инсульт пен жүрек ұстамаларына еш әсер етпейтіні дәлелденіпті.

Ал фоли қышқылы мен В дәрумені керісінше, жүрек қан-тамырларының ауруының таралуын азайтады.

"Пайдалы көкөністер мен жемістер жеп, диета ұстағаннан жақсы дәрумен жоқ. Осы күнге дейін зерттеу жұмыстары да одан асқан пайдалы заттың барын көрсетпеді", - дейді зерттеуші Дженкинс.

Мақаланың түпнұсқасы: https://kaz.nur.kz/1734304-agzaga-tk-pajdasy-zok-drumen-trleri-belgili-boldy.html