RU

Алматыда науқас жандарға теледидар сыйлаған оқушылар жұртты тәнті етті (фото)

Алматы қаласының мектеп түлектері лимузин жалдаудың орнына қатерлі ісікке шалдыққан бүлдіршіндерге теледидар сыйлады деп хабарлайды NUR.KZ.

Фото: Gulnara Kunirova
Фото: Gulnara Kunirova: UGC

Иван Панфилов атындағы № 54 мектеп-гимназиясының оқушылары лимузин жалдауға кететін ақшаға Қазақ онкология және радиология ғылыми-зерттеу институты балалар орталығындағы бүлдіршіндерге теледидар сыйлады.

Бұл туралы "Біріміз қатерлі ісікке қарсымыз" қоғамдық қорының атқарушы директоры Гульнара Кунирова өзінің Facebook парақшасында жариялаған болатын.

Фото: Gulnara Kunirova
Фото: Gulnara Kunirova: UGC

Оның айтуынша, балалар орталығындағы палаталарда теледидарлар тапшы.

Әлеуметтік желіде қызу талқыға түскен мектеп оқушыларының әрекетіне жұрт сүйсіне қарап, "Басқа бітіруші түлектерге үлгі боларлық іс екен", "Жарайсыңдар!", "Алла разы болсын", - деп өз ойларымен бөлісті.
Фото: Gulnara Kunirova
Фото: Gulnara Kunirova: UGC

Жас панфиловшылардың жасаған қайырымдылығын үлгі тұтып, Ілияс Жансүгіров атындағы №130 гимназия оқушалыры да балалар орталығына теледидар сыйлады.

Фото: Gulnara Kunirova
Фото: Gulnara Kunirova: UGC

Жаңалығыңыз болса, порталдың WhatsApp нөміріне жолдаңыз: + 7 747 535 12 98

Мақаланың түпнұсқасы: https://kaz.nur.kz/1734566-almatyda-naukas-zandarga-teledidar-syjlagan-okusylar-zrtty-tnti-etti-foto.html