RU

Чемпиондардың чемпионы: "Реал Мадрид" Зиданмен ерекше қоштасты (видео)

Күні кеше ғана Зинедин Зидан "Реалдан" кететінін мәлімдеген болатын. Өзін тарихта болмаған жетістіктерге жеткізген бапкерді мадридтік клуб ерекше шығарып салды. "Реал" өкілдері Зиданның болашақтағы барлық бастамаларына сәттілік тілеп, екі жарым жылда орын алған баға жетпес сәттерінен әсерлі видеоүзінді жасады деп хабарлайды NUR.KZ.

Фото: eurosport.ru
Фото: eurosport.ru: UGC

Мадридтік клубтың ресми сайтына жүктелген бір минуттық видеода Зинедин Зиданның "Реалдағы" ең жарқын әрі есте қаларлық сәттері бейнеленген.

Фото: eurosport.ru
Фото: eurosport.ru: UGC

Зизудың құрметіне жасалынған бейнеүзіндіде Чемпиондар лигасының үш финалындағы ерекше сәттері, сонымен бірге футболшылар мен бапкердің қызықты әрі қуанышқа толы оқиғалары көрініс тапты.

Видеоның әсерлілігі барша футбол жанкүйерлерінің көңілінен шықты.

Айта кетейік, осыған дейін Зиданның мадридтік клуб бапкерлігінен кеткені жайлы хабарлаған болатынбыз. Ол "Реалдан" өз еркімен кеткен алғашқы жаттықтырушы болды.

Мақаланың түпнұсқасы: https://kaz.nur.kz/1734949-cempiondardy-cempiony-real-madrid-zidanmen-erekse-kostasty-video.html