RU
"Сараң болма": ОҚО-да мектеп оқушысы қала әкімін әбден тығырыққа тіреді
Жаңалықтар Қоғам

"Сараң болма": ОҚО-да мектеп оқушысы қала әкімін әбден тығырыққа тіреді

Рассказать Вконтакте

Оңтүстік Қазақстанда мектеп оқушысы Арыс қаласының әкіміне "сараңдықты қойыңыз" деп тілегін жеткізді. Бұл туралы өңірдегі NUR.KZ тілшісі хабарлайды.

"Сараң болма": ОҚО-да мектеп оқушысы қала әкімін әбден тығырыққа тіреді

"Сараң болма": ОҚО-да мектеп оқушысы қала әкімін әбден тығырыққа тіреді

Балаларды қорғау күні қарсаңында Арыс қаласының әкімі Мұрат Қадырбек бірқатар оқу озаттарын қабылдады.

Оқушыларға балалық шағы мен еңбек жолы туралы айтып берген әкімді мектеп жасындағы балалар сұрақтың астына алды.

"Мұндай жетістікке кімнің арқасында жеттіңіз?" деп төтесінен қойылған сұраққа шаһар басшысы білім мен тынбай еткен еңбектің арқасында екенін алға тартты.

"Мен де сендер секілді балабақшаға, мектепке бардым. Мұғалімдердің айтқанын бәрін орындап, білімді оқушы болуға тырыстық. Қандай іспен айналыссақ та ұқыпты жасай білдік. Соның нәтижесінде міне, бүгін қаланың әкімі болып отырмын. Сол білімнің арқасында Қазақстанның түкпір-түкпірінде жұмыс істегенмін", - деді қала басшысы.

Сонымен қатар Мұрат Қадырбек оқушыларға ұстаздардың беріп жатқан білімін тереңірек алу қажеттігін айтып, оқу озаты болу кез келген баланың болашағын жарқын етеріне сенім білдірді.

Қабылдау барысында оқушылардың бірі әкімге тілегін жеткізіп, білдей бір қаланы басқарып отырған басшыны сараңдық танытпауға шақырды.

"Мыңға жетсе қойыңыз, сараңдықты қойыңыз. Күніне бірін сойыңыз. Үйіңізден кетпесін, мереке мен тойыңыз",- деді оқушы.

Қала басшысымен емін-еркін сұхбаттасқан мектеп жасындағы балалар болашақта әкім болып, ел басқарғысы келетінін ашып айтты. Тіпті сұхбат соңында шенеуніктің қызметі жұғысты болсын деген ырыммен әкімнің креслосына отырып та көрді.

Еске сала кетсек, жуырда ғана тілшілерге атқарылған жұмыстары туралы брифинг берген Арыс қаласының әкімі Мұрат Қадырбек ай сайын 420 мың теңге жалақы алатынын айтқан болатын.

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
0
0
1
1
2
3
4
Спасибо за Ваше мнение Вы уже голосовали
Тағы да оқыңыздар
Пікір