RU
Бәйгеден 57 көлік ұтқан 13 жастағы қазақ баласы жайлы не білеміз? (фото)
Жаңалықтар Қоғам

Бәйгеден 57 көлік ұтқан 13 жастағы қазақ баласы жайлы не білеміз? (фото)

Рассказать Вконтакте

Жақында Қостанай облысында өткен аламан бәйгеде белгілі атбегі Қанат Қасымовтың "Бәйтерек" атты сәйгүлігі бірінші келді. Оны тізгіндеген 13 жасар жеткіншек Ақжол Жұматай өзінің 57-ші көлігін жеңіп алды деп хабарлайды Қазақпарат агенттігіне сілтеме жасаған NUR.KZ.

Ақжол Жұматай

Ақжол Жұматай

Небәрі 13 жасында толайым табысқа жеткен жеткіншек - Ұзынағаш ауылының мақтанышы. Осы уақытқа дейін 100-ге жуық жарысқа қатысып, 57 көлік ұтқан балақайдың есімі дүйім жұртқа Қазақ хандығының 550 жылдығына орай ұйымдастырылған бәйгеде танылды.

"Шаман" тұлпарымен сынға түскен жеткіншек ешкімге дес бермей, 51 шақырымды еңсеріп, алман бәйгеден бас жүлдені алған. Осыдан кейін балақайға сырт өңірлерден ат баптаушылар хабарласып, бәйгелерге қатысуын ұсына бастаған.

51 шақырымды еңсерген Ақжол Жұматай

51 шақырымды еңсерген Ақжол Жұматай

Ақжол жастығына қарамастан ат баптау, жарату өнерін де меңгеріп алған. Бар ойы ат жарысында, жылқы баптауда болғанымен, білім алуды бірінші орынға қояды. Ал бәйгелерге сабақтан тыс уақыттарда қатысады екен.

Айта кетейік, Ақжол Жұматай ең ірі жүлдесі - "Lada Granta" автокөлігін 9 жасында жеңіп алған.

Фото:ng.kz

Фото:ng.kz

Ал Жақында Қостанайда өткен жарыста ол өзінің 57-ші автокөлігін ұтты. Бірақ, олардың бәрі шабандоздың қолына тимеген. Көбі аттың иелеріне бұйырады.

Ақжол Қостанайда жеңген екі көлігі үшін 450 мың теңге алған.

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
4
0
0
2
4
22
2
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel