RU

Алматылық бай-бағландардың "VIP" ауызашары қалай өтеді? (фото)

Қасиетті Рамазан айында ораза ұстаған жанға ауызашар беру - үлкен сауапты іс. Осы орайда, алматылық бай-бағландар да игі істен құр қалмау мақсатында ауызашар беруде. NUR.KZ тілшілері Алматыдағы ең бюджеті жоғары "VIP" ауызашарларға барып қайтты.

Фото: NUR.KZ
Фото: NUR.KZ: UGC

Алматылық ауқаттылар ауызашар үшін қарапайым мейрамханаларды таңдамайды. Ал жоғары санаттағы мейрамханалардың бағасы да қымбат болмақ.

Мәселен, қаланың орталығында орналасқан "Мирас" мейрамханасында ауызашар үшін адам басына 9 мың теңге төлеуге тиіссіз.

Дегенмен, мейрамхананың бағасы тапсырыс берушілерді еш қызықтырмаған да секілді. Себебі, мейрамханаға рамазан айына толығымен алдын-ала тапсырыс беріліп қайған. Ең үлкен ауызашардардың өзі 100-150 адамға берілген.
Фото: NUR.KZ
Фото: NUR.KZ: UGC

Қымбат орынның қонақтары да тиісінше аса қалталы болуы керек: мейрамхананың автотұрағы қымбат көліктерге толды. Су жаңа көлік тізгінін ұстаған қонақтар жақсы қызметте істейтіні көрініп тұр.

Мейрамхана қызметкерлерінің айтуынша, мұнда алматылық танымал шенділердің ауызашары жиі өтіп тұрады екен.

Алматылық бай-бағландардың «VIP» ауызашары қалай өтеді?
Алматылық бай-бағландардың «VIP» ауызашары қалай өтеді?: UGC
"Бұл ай толығымен ауызашар өткіземіз. Тапсырыстар біраз уақыт бұрын қабылданып қойылған. Біздің қонақтардың көбінесе билік басында отырғандар мен танымал тұлғалар", - дейді мейрамхана қызметкері.

Мақаланың түпнұсқасы: https://kaz.nur.kz/1735307-almatylyk-baj-baglandardy-vip-auyzasary-kalaj-tedi-foto.html