RU
Елдің сөзі маңызды емес: Орамал тағатын қазақ қыздары қалай өмір сүруде? (фото)
Жаңалықтар Денсаулық және сұлулық

Елдің сөзі маңызды емес: Орамал тағатын қазақ қыздары қалай өмір сүруде? (фото)

Рассказать Вконтакте

Орамал таққанды дұрыс деп санайтын қазақстандық арулар Comode.kz-ке оларға деген қоғамның көзқарасы қандай екенін және орамалдың жеке өмір мен мансабына қандай әсері барын айтып берді деп хабарлайды NUR.KZ.

Фото: Comode.kz

Фото: Comode.kz

Журналист Дана Бектұрған дін ұстанымдарына берік болу мақсатында бір жыл бұрын орамал таға бастағанын айтады. Оған қоғамның пікірі маңызды болмаған. Ең бастысы, ата-ананың разылығы.

Дана Бектұрған. Фото: Instagram

Дана Бектұрған. Фото: Instagram

"Кейбір таныстарым менің тележүргізуші болып жұмыс істей алмайтындығыма күйінеді. Бірақ маған жүрегімнің тыныштығы керек", - деді Дана.

Жеке брендтің авторы Перизат Ғани ислам дінін мектепте оқып жүрген кезінде зерттей бастағанын, бірақ оқу орнында орамал тағуға рұқсат бермегенін айтты. Кейін студент атанып, ол мақсатына қол жеткізген.

Перизат Ғани. Фото: Instagram

Перизат Ғани. Фото: Instagram

Басында хобби ретінде болған тігу өнерін Перизат әрі қарай дамытып, өзі сияқты қыздарға арнап Perizat Gani брендімен мұсылман киімін шығара бастаған.

Дана Елеусінқызы - сән салоны бар табысты әйел. Оның ойынша, орамал таққан әйелдердің басты мақсаты - Алладан рақымшылық алу.

Дана Елеусінқызы. Фото: Comode.kz.

Дана Елеусінқызы. Фото: Comode.kz.

Ол орамал тағуды осыдан төрт жыл бұрын бастаған. Ол уақытта Дана визажист болып қызмет етіп жүрген. Орамал сол кезден бастап оның ерекшелігіне айналды.

"Көп жағдайда маған балағат сөздер айтатын адамдар басқа ұлт өкілдері емес, өзіміздің қандастар. Кейде, тіпті такси жүргізушілері де "қазақтың қыздары бұрын былай киінбеген" деп айтып жатады", - дейді Дана. Алайда, ол бұндай пікірлерге құлақ аспайды.

Қарагөз Аянқызы есімді фотограф ұзақ уақыт бойы орамалды не үшін тағу керектігін түсінбей, кейін өз ойын өзгерткен.

"Әкем маған рұқсатын берді. Сол уақыттан бері жеті жыл өткен", - дейді ол.
Қарагөз Аянқызы. Фото: Comode.kz

Қарагөз Аянқызы. Фото: Comode.kz

Жақында Қарагөз досының отбасына фотосессия ұйымдастырған. Түсірілімнің қалай болатындығына қатты алаңдағанымен, бәрі ойдағыдай өткен.

Зергерлік салонының иесі Ақбота Қоспаева орамалға қатысты мақала оқып, 2007 жылы өз ойын өзгерткен.

Оның айтуынша, ол кезде орамал тағу аса қатты белең алмаған. Сол себепті халық дұрыс түсінбей, жұмысқа орналасу да қиын болған.

Ақбота Қоспаева. Фото: Comode.kz

Ақбота Қоспаева. Фото: Comode.kz

"Қазір барлығы өзгерді. Басыңдағы орамалмен ешкімді таңғалдырып та, үркітіп те ала алмайсың", - дейді Ақбота.

Қызықты жаңалығыңыз болса, NUR.KZ порталының WhatsApp нөміріне жолдаңыз: 8 747 535 12 98

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
1
3
0
1
0
16
0
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel