RU
"Келіссөз жүргізу қиын": Назарбаев Қытайға жасаған сапары туралы айтты
Жаңалықтар Саясат және экономика

"Келіссөз жүргізу қиын": Назарбаев Қытайға жасаған сапары туралы айтты

Рассказать Вконтакте

Нұрсұлтан Назарбаев Қытай Халық Республикасына сапарының қорытындысы бойынша бұқаралық ақпарат құралдары үшін брифинг өткізді деп хабарлайды Ақорданың баспасөз қызметіне сілтеме жасаған NUR.KZ.

Назарбаев

Фото: Ақорда

Нұрсұлтан Назарбаев журналистерге арналған сөзінде екі елдің бүкіл қарым-қатынастары тарихында мемлекеттер басшылары арасында сенімділік сипатындағы диалог орныққанын атап өтті.

"Қытай Халық Республикасының Төрағасы Си Цзиньпинмен бірге өзара сенімді және достық қатынастарымызды нығайта береміз. Елдеріміз арасында шешімін таппаған мәселе жоқ, керісінше, одан әрі даму үшін жолымыз ашық", – деді мемлекет басшысы.

Қазақстан президенті ұлттық экономиканың шикізаттық емес секторларын дамытудың маңыздылығын атап өтіп, бірлескен индустриалды-инновациялық жобаларды жүзеге асыру мәселесіне тоқталды.

"Біз 51 жобаға қатысты уағдаластыққа қол жеткіздік. Индустриалды-инновациялық бағдарламаны жүзеге асырып жатырмыз. Соның аясында 1200 кәсіпорын аштық. Біздің міндетіміз – шикізат ресурстарына тәуелсіз екінші баламалы экономика қалыптастыру", – деді Нұрсұлтан Назарбаев.

Брифинг барысында өзара тиімділікті қамтамасыз ету қағидаты негізінде Қазақстанның Қытаймен экономикалық ынтымақтастықты дамытып келе жатқаны жөнінде айтылды.

Сонымен қатар, Қазақстан-Қытай іскерлік кеңесі отырысының нәтижелері де атап өтілді. Соның барысында екі елдің бизнесмендері жалпы сомасы шамамен 13 миллиард теңге болатын 40 құжатқа қол қойған.

Нұрсұлтан Назарбаев іскерлік топтар мен жобаларды жүзеге асыруға атсалысатын шаруашылық субъектілер Қытай Халық Республикасымен инвестициялық ынтымақтастықты ілгерілетудің негізгі драйверлері болып саналатынына назар аударды.

Сондай-ақ, Нұрсұлтан Назарбаев елдің көлік-транзит әлеуетін арттыруға бағытталған инфрақұрылымдық жобаларды орындау мәселелеріне тоқталды.

Қазақстан президенті Шанхай ынтымақтастық ұйымы аясында ұлттық валюталармен өзара есеп айырысу жөнінде ұсыныс білдіргені туралы толық әңгімелеп, Қытай Халық Республикасының Төрағасы Си Цзиньпинмен болған келіссөздер барысына тоқталды.

"Сенім болған кезде барлық мәселе шешіледі. Кез келген жағдайда өз еліңнің мүддесін ескеру керек. Келіссөз жүргізу қашан да қиын, сол себепті бұған мұқият дайындаламын. Бұл – халқымның маған жүктеген жауапкершілігі", – деді Нұрсұлтан Назарбаев.
Сіздің реакцияңыз
6
3
0
1
0
1
0
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel