Ғалымдар көп ұйықтаудың зиянын айтып дабыл қақты

Сеул университетінің ғалымдары адамның шектен тыс көп ұйықтауы денсаулыққа аса қауіпті екенін анықтады. Бұл туралы Oxu.Az сайтына сілтеме жасаған NUR.KZ порталы хабарлайды.

Мамандар 40-69 жас аралығындағы 133,5 мыңнан астам адамның ұйықтау кестесі мен денсаулығын тоғыз жыл бойы бақылап келген. Сондай-ақ олар шалдыққан аурулар мен тамақтану жүйесі де тәэірибе жұмысында негізге алыныпты.

Зерттеу барысында еркектердің 29 пайызы, әйелдердің 24,5 пайызынан метоболикалық синдром байқалған. Бұлардың басым бөлігі тәулігіне алты сағаттан аз немесе 10 сағаттан көп ұйықтағандар екен.

Сонымен, тәжірибе көрсеткендей, ер адамдар үшін аз ұйқы, ал әйелдер денсаулығына ұзақ ұйқы зиян болып шықты.