RU
Дуаны қалай қайтаруға болады?
Жаңалықтар Калейдоскоп

Дуаны қалай қайтаруға болады?

Рассказать Вконтакте

Дуалау барлық дәстүрлі діндер мен пұтқа табынатын тағы тайпаларда да кездесіп жатады. Ол тек қана жалғыз мақсатпен жасалады: өз мүддесіне сай басқаларға залал тигізу. Сондықтан да болар, дуалау, сиқыр деген дәстүрлі діндердің бәрінде ауыр күнә саналып, жиі айыпталып жатады деп хабарлайды akikat.o1.com сайтына сілтеме жасаған NUR.KZ.

Фото: mymodernmet.com

Фото: mymodernmet.com

Қасиетті Құранда сиқырды Бабыл қаласының тұрғындарына екі періштенің үйреткені, бірақ адамдардың кейін келе оны теріс мақсатта қолданып кеткендігі жайында аяттар бар. Осы тұрғыда дуа деген не? оны қалай қайтаруға болады деген сұрақтарға жауап іздеп көрдік.

Дуа қалай жасалады?

Қазақтар «дуақант» деп атайтын дуа жасаушылар ел арасында бұрыннан болған. Ондай адамдар әдетте намаз оқымайды, ақша үшін кім көрінгеннің өзгелерге залалын тигізетін жаман әрекеттеріне жол ашатын дуа жасап, сонымен күн көреді.

Дуа кәдімгі тұмар сияқты қағазға жазылып, матаға салынып тігіледі. Дуа жасатқан адам әлгі тұмарды құрбандығының жастығына, көрпесіне немесе киімінің астарына білдірмей салып қояды. Яғни, ол әлгі дуамен үнемі жанасып жүруі тиіс. Сонда оның әсері болмақ.

Ал тұмар емес, қағазға жазылған дуаны суға езіп, соны құрбандығына ебін тауып ішкізетін жайлар да кездеседі. Бұндай жағдайда дуаның әсері өте күшті болмақ.

Дуадан қалай сақтануға болады?

Егер сіз біреулерден дуа жасауы мүмкін деп күдіктенсеңіз, ол адамнан аулақтау жүруге, араласпауға тырысқаныңыз жөн. Үйіне барып қолынан тамақ, сусын ішпеңіз. Киіміңізді, төсек-орныңызды әредік қарап, тексеріп отырғанның артықтығы жоқ.

Дуалаудан сақтанудың ең сенімді әдісі – шариғат жолымен жүріп, имандылықты серік ету.

«Құдайдың еркінсіз қурайдың басы да қимылдамайды» деген сөз бар. Бәрі Алланың еркімен болады. Егер сіз дін жолымен жүріп, бес парызыңызды дұрыс орындасаңыз, онда Алланың сізді пәле-жаладан сақтайтыны анық. «Аққа құдай жақ» дейді қазақ. Иманды адамға пәле-жала жуымайды.

Сондықтан, дуалау деп аталатын кесапаттан аман болғыңыз келсе, ең алдымен Аллаға жүзіңізді бұрып, имандылықты серік етіңіз.

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
1
0
0
0
3
4
2
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel