RU
Астаналықтар шырайлы шымкенттіктер өткізген көрмеге лек-легімен ағылды
Жаңалықтар Қоғам

Астаналықтар шырайлы шымкенттіктер өткізген көрмеге лек-легімен ағылды

Рассказать Вконтакте

Астанада қаланың 20 жылдығына орай ұйымдастырылған мәдени шаралар легі толастар емес. Солардың бірі кеше елорданың "Конгрес холл" кешенінде, Оңтүстік Қазақстан облысы әкімшілігінің ұйымдастыруымен өткен аймақ қолөнершілерінің көрмесі болды. Сондай-ақ өңір өнерпаздары бас шаһар тұрғындарына естен кетпес концерт сыйлап, Астанадағы жерлестерін бір қуантты деп хабарлайды NUR.KZ.

Фото: NUR.KZ

Фото: NUR.KZ

"Конгресс холға" жиналған жұрттың қарасы қалың болды. Олардың денін шаһардағы шымкенттіктер құрады.

Фото: Өңірдің баспасөз қызметі

Фото: Өңірдің баспасөз қызметі

Қала тұрғындары әсіресе өңір қолөнершілерінің қылқаламынан туған мынадай теңдессіз суреттер мен фототуындыларға таң қалып жатты.

Фото: NUR.KZ

Фото: NUR.KZ

Сондай-ақ, олар көрме қонақтарының назарына аймақта "Рухани жаңғыру" бағдарламасы аясында түсірілген көркем, анимациялық және деректі фильмдер топтамасы ұсынылды.

Фото: NUR.KZ

Фото: NUR.KZ

Көзі қарақты көрермен сонымен бірге Оңтүстік Қазақстан облысынан шыққан ақын-жазушылар мен қаламгерлердің су жаңа кітаптарымен танысты.

Фото: NUR.KZ

Фото: NUR.KZ

Фото: NUR.KZ

Фото: NUR.KZ

Ал облыстық өлкетану музейі қорындағы ұлттық киімдер мен әшекей бұйымдар астаналықтарды тіптен таңғалдырды. Бір қызығы ақ күмістен құйылған білезіктер салпыншақ сырғалармен бірге, қыздың бұрымына көрік беретін мынадай шолпылар да болды.

Фото: NUR.KZ

Фото: NUR.KZ

Фото: NUR.KZ

Фото: NUR.KZ

Сонымен бірге астаналықтарға елбасының "100 жаңа есім" бағдарламасы бойынша жеңіске жеткен өңір азаматтары жайлы да ақпарат ұсынылды.

Фото: NUR.KZ

Фото: NUR.KZ

Фото: NUR.KZ

Фото: NUR.KZ

Фото: NUR.KZ

Фото: NUR.KZ

Көрме соңы естен кетпес концертке ұласты. Онда өңір өнерпаздары мың бұрала билеп, ұлттық аспаптардың сүйемелдеуімен дәстүрлі әндерді шырқады. Сонымен бірге облыс әншілері атақты сазгер Шәмші Қалдаяқовтың әндерін тамылжыта орындап, көпшіліктің ыстық ықыласына бөленді.

Фото: NUR.KZ

Фото: NUR.KZ

"Шыны керек жерлестерімізді көріп қуанып қалдық. Әсіресе бейнелеу өнері шеберлерінің суреттері көздің жауын алады. Әрине егер осындай шаралар көбірек ұйымдастырылып тұрса, міндетті түрде келіп тұрамыз", - дейді көрме қонақтары.

Фото: NUR.KZ

Фото: NUR.KZ

Айта кетейік, айтулы елбасының "Болашаққа бағдар: рухани жаңғыру" бағдарламалық мақаласы аясында Астана қаласының 20 жылдығына орай ұйымдастырылған.

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
0
2
0
0
0
4
1
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel