Тұңғышы ҰБТ-дан жоғары балл жинаған Қыдырәлі көз жасын тыя алмады (фото)

Қарақат пен Қыдырәлінің тұңғышы Бекболат биылғы жылы мектеп бітірді. ҰБТ сынағынан сүрінбей өткен жұлдызды жұптың ұлы 128 баллды иемденген деп жазады NUR.KZ.

Бұл қуанышты жаңалықты Бекболаттың ата-анасы Instagram парақшасы арқылы бөлісіп, көпшіліктен сүйінші сұрады.

"Соңғы күндері уайымдап, Қарақатым екеуміз өте алаңдадық. Балалары мектеп бітіріп, ҰБТ тапсыратын әрбір ата-ана түсінеді мені.

Міне, бүгін Алматыдан келе салып, баламның ҰБТ-ны 128-баллмен тапсырғанын естігенде құшақтап тұрып, жас балаша жыладым.

Мейірімді Аллаға сансыз мадақ! Әр отбасына осындай бақыт тілеймін. Шын жүрегімнен осындай бақыттан ғана жылауларыңызды тілеймін. Ұзағынан сүйіндіргей", - деді Қыдырәлі Болманов.