Футболдан әлем чемпионатының 1/8 финалындағы Колумбия мен Англия кездесулерінен кейін Мәскеу метросында төбелесіп қалған жанкүйерлердің видеосы пайда болды деп хабарлайды Ox.Az сайтына сілтеме жасаған NUR.KZ.
Поездың ішінде ағылшын жанкүйерлерінің бірі Колумбия құрамасының туын басып кетіпті. Осының кесірінен команда жанкүйерлерінің арасында ұрыс басталып, ағылшын азаматы колумбиялықтың мұрнын жарған. Құқық қорғаушылары төбелесті тоқтатып, екі ағылшын азаматын ұстап алыпты.
Англия құрамасы үшінші шілде күні колумбиялықтарды пенальти кезінде 4:3 есебімен жеңді.
Мақаланың түпнұсқасы: https://kaz.nur.kz/sport/other-sports/1740784-anglia-men-kolumbia-zankjerlerini-tbelesken-videosy-pajda-boldy-video/
