RU
Синоптиктер: Бүгін Алматы облысында аптап ыстық болады
Жаңалықтар Қоғам

Синоптиктер: Бүгін Алматы облысында аптап ыстық болады

Рассказать Вконтакте

9 шілде, дүйсенбі күні атмосфералық фронттардың өтуіне байланысты республиканың кей жерлерінде жаңбыр жауып, найзағай ойнайды, бұршақ болуы мүмкін. Тек батыста, оңтүстікте және оңтүстік-батыста жауын-шашынсыз күн райы күтіледі. Сонымен бірге, еліміздің оңтүстігі мен батысында аптап ыстық болады деп болжануда. Бұл туралы "Қазгидромет"-ке сілтеме жасаған NUR.KZ хабарлайды.

Синоптиктер: Бүгін Алматы облысында аптап ыстық болады

Фото: Отырар TV

Республиканың кей жерлерінде жел күшейіп, шаңды дауыл тұрады. Солтүстікте түнде және таңертең тұман болжанады, деп хабарлайды ҚазАқпарат «Қазгидромет» РМК-ға сілтеме жасап. Атап айтқанда, Батыс Қазақстан мен Солтүстік Қазақстан облыстарының кей жерлерінде найзағай ойнайды.

Күндіз кей жерлерінде шаңды дауыл тұрып, 15-20 м/с екпінде жел соғады, бұршақ болуы мүмкін. Солтүстік Қазақстан облысының түнде және таңертең кей жерлерінде тұман күтіледі. Қызылорда облысында таңертең және күндіз кей жерлерінде найзағай, дауыл, 15-20 м/с жылдамдықта жел күтіледі.

Ақтөбе, Қостанай облыстарының кей жерлерінде найзағай, 15-20 м/с екпінде жел күтіледі. Қостанай облысында бұршақ жаууы мүмкін. Шығыс Қазақстан, Ақмола облыстарында, күндіз Қарағанды облысының кей жерлерінде найзағай ойнайды. Ақмола облысында күндіз бұршақ болуы мүмкін.

Ал Алматы, Жамбыл, Түркістан, Қызылорда, Қарағанды облыстарында қатты ыстық күтіледі, кей жерлерде өте қатты ыстық болады. Маңғыстау, Атырау, Батыс Қазақстан, Ақтөбе облыстарының басым бөлігінде, Шығыс Қазақстан, Ақмола, Қостанай облыстарының кей жерлерінде қатты ыстық күтіледі.

Сондай-ақ Атырау, Маңғыстау, Қызылорда облыстарында, Батыс Қазақстан, Ақтөбе, Түркістан облыстарының кей жерлерінде жоғары өрт қаупі сақталады.

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
0
0
1
1
0
0
0
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel