Top.Mail.Ru

Сайт нұсқасы

ru kz

Зектілері

Тақырбас қалыңдық: Елді дүрліктірген арудың кім екені белгілі болды (фото)

Опубликовано:

Нұрболат Базарбаев - MAKVIN лақап атымен танымал болған әнші. Жақында үйленген жұптың тойында түсірілген видео желіні шулатып, ел арасында екіжақты пікір қалыптастырды. Осы орайда Makvin өзінің сүйіктісі жайлы айтып берді деп хабарлайды Tengrinews агенттігіне сілтеме жасаған NUR.KZ.

"Қалыңдығымның есімі - Жания. Ол зиялы отбасыдан шыққан. Ата-анасы - ғалымдар, химиктер. Өзі - биші. Спорттық бал биінен спорт шебері. Халықаралық жүлделері көп. Көп жыл бойы Италияда, АҚШ-та тұрып, бимен кәсіби түрде айналысты. Ол - спорттық бал биінен әлемнің вице-чемпионы", - деді әнші.

Адамдардың көпшілігі қалыңдықтың шаш үлгісіне таңырқай қараған. Әншінің айтуынша, бұл екеуінің қалауы ғана.

"Ол тойға 10 күн қалғанда шашын қысқартты. Біз шығармашылықтың адамымыз. Не болатынын білмедік", - дейді MAKVIN.

Сондай-ақ, ол видеоның қалай тарап кеткенін айтты.

"Біздің шараны досымыз Азат Әбікен жүргізген, ол ұзату тойында қалыңдық маған қарай жүретін кезінде түссіз сурет жасаймыз деп ойластырды. 60-жылдардың суретін жасағымыз келді. Бұл кадр бір ғана сурет үшін жасалды. Соңында көп видео түсіріліп, "За тебя Баке" парақшасына шығыппыз. Қалай жүктелгенінен бейхабармыз. Бұл туралы келесі күні ғана білдік", - деді орындаушы.

MAKVIN өз ата-анасы мен туыстарының қалыңдықтың шаш үлгісіне қандай баға бергенін айтты.

"Оның ата-анасы қалыпты қабылдады. Ата-анасы - жаңашыл, анасы көп уақыт Еуропада тұрған, әкесі жұмыс бабымен әлем бойынша сапарлап жүреді. Яғни барлығын дұрыс түсінді. Ал, мына желіде жазып жатқандар тек шу шығарып жүр. Олар болмаса, мұндай шуға ұласпайтын еді. Менің ата-анам да бәрін жақсы қабылдады. Менің отбасымда бәрі музыканттар, режиссерлер. Ешқандай да дау-дамай болған жоқ. Менің туыстарым Шымкенттен, барлығы дәстүрді ұстанады. Беташарда болған әжем бұған тіпті қуанышты. Себебі мен - оның соңғы немересімін", - деді Базарбаев.

Мақаланың түпнұсқасы: https://kaz.nur.kz/showbiz/1742402-takyrbas-kalydyk-eldi-drliktirgen-arudy-kim-ekeni-belgili-boldy-foto/

pixel