Қостанайдағы тоғыз қабатты үйде Абайдың алып суреті пайда болды (фото, видео)

Қостанайда Әли Закир мен Ержан Танаев есімді дала суретшілері Абайдың ең үлкен портретін салды деп хабарлайды Костанайские Новости-ға сілтеме жасаған NUR.KZ.

Жігіттер үш жыл бойы Қазақстанды шарлап, граффити салып келеді. Олардың қоржынындағы ең ірі сурет осы тоғыз қабатты үйдегісі екен.

Қазақтың ұлы ақынының суретін салу үшін жігіттер бір аптаға жуық тер төккен.

Суретшілердің айтуынша, бұл туынды қазақстандықтар танитын Абайдың жинақы образы болмақ. Себебі көптеген суреттерде Абайдың бейнесі бұрмаланып беріледі.

Еске салайық, Алматыдағы белгілі асханалардың біріне келгендер ақын Абайдың суретін көріп, шошып кеткен болатын.