Шымкентте мал бағып жүрген баланы атып кеткен бақуатты азамат ұсталды

Шымкентте бақуатты азамат мал бағып жүрген жеткіншекті мылтықпен атып кеткен болатын. Жасөспірімге аяусыз қару кезеніп, көмек көрсетпестен тайып тұрған дөкей ұсталды деп хабарлайды ernur.kz сайтына сілтеме жасаған NUR.KZ.

Ішкі істер департаментінің мәліметінше, аталған жайт "бұзақылық" бабымен сотқа дейінгі тергеп –тексеру тізіміне тіркелген. Қазір күдікті қамауға алынды.

Айта кетейік, достарымен бірге қой бағып жүргенде жеткіншекке қымбат көлік мінген азамат "бұл жерге мал бақпа" деп ескерту жасаған. Алайда, ешнарседен қауіптенбей малын бағып жүре берген балаға жер қожайыны оқ атып, жаралап кеткен.