RU
Балаға берілетін жәрдемақы: Кімдерге, қалай және қандай мөлшерде төленеді?
Жаңалықтар Қоғам

Балаға берілетін жәрдемақы: Кімдерге, қалай және қандай мөлшерде төленеді?

Рассказать Вконтакте

Мемлекет тарпынан балаларға берілетін жәрдемақының мөлшері жыл сайынғы айлық есептік көрсеткіштің өсіп отыруына байланысты өзгеріп тұрады. Олардың кімдерге берілетіні мен биыл қаншаға өскендігін Sputnik Қазақстанға сілтеме жасаған NUR.KZ анықтап көрді.

Фото: Babymir.net

Фото: Babymir.net

Бала туғанда берілетін біржолғы жәрдемақы:

Жәрдемақының бұл түрі республикалық бюджет есебінен жұмыс істейтін және жұмыс істемейтін әйелдерге төленеді.

бірінші, екінші, үшінші балаға – 38 айлық есептік көрсеткіш (АЕК) немесе 2018 жылы 91 390 теңге;

төртінші және одан кейінгі балаларға – 63 АЕК немесе 2018 жылы 151 515 теңге.

Бір жасқа дейінгі берілетін ай сайынғы жәрдемақы:

Баланың күтiмiне байланысты тағайындалатын ай сайынғы мемлекеттік жәрдемақы (жұмыс істемейтін әйелдерге). Бұл жәрдемақы сәбидің бір жасқа толуына дейін ғана беріледі:

бірінші балаға – 5,76 АЕК немесе 13 853 теңге;

екінші балаға – 6,81 АЕК немесе 16 379 теңге;

үшінші балаға – 7,85 АЕК немесе 18 880 теңге;

төртінші және одан кейінгі балаларға – 8,90 АЕК немесе 21 405 теңге.

Ал жұмыс істейтін әйелдерге бала күтіміне байланысты бiр жасқа толғанға дейiн төленетін ай сайынғы әлеуметтік төлем мөлшері былай есептеледі:

Төлем мөлшерін есептеу үшін соңғы 2 жыл ішіндегі жалпы табысты 24 айға бөліп, шыққан нәтижені 0,4-ке көбейтіп, анықталған сомадан 10% зейнетақы жарнасын алып тастау қажет.

Мәселен, сіз босанғанға дейін жалақысы 200 мың құраған жұмыста екі жыл бойы істедіңіз. Осы тұрғыда жалпы жиынтық табысты есептеу үшін 200 мың теңгені 12 айға көбейтеміз.

12*200 000= 2 400 000

Осы 2 400 000 теңгені 24 айға бөлеміз: 2 400 000/24= 100 000 теңге

100 000 теңге – табыстың орташа айлық мөлшері. Осы орташа айлық мөлшерді 0,4 коэффициентіне көбейтіп, 10% зейнетақы жарнасын шегереміз.

100 000*0,4 = 40 000 теңге, 10% шегергенде босанған әйел ай сайын 36 000 теңге алады.

Фото: Babymir.net

Фото: Babymir.net

Жұмыс істейтін әйелдерге жүктілікке және босануға байланысты төленетін біржолғы әлеуметтік төлемнің мөлшері былай есептелінбек: орташа айлық табысты жұмысқа қабілетсіздік күндер санының тиісті коэффициентіне көбейтіп, кейін шыққан нәтижеден 10 процент зейнетақы жарнасын алып тастау керек.

Бұл жәрдемақы түрлері баланы туған, асырап алған, сондай-ақ қамқоршылыққа алған балалары бар отбасыларға тағайындалады.

Оған қоса, биыл Елбасының тапсырмасымен 1 шілдеден бастап кәмелетке толған, бала кезінен бірінші топтағы мүгедектерді бағып отырған ата-аналар үшін қосымша мемлекеттік жәрдемақы енгізілген болатын.

Қосымша жәрдемақыны шамамен 14 мың отбасы ай сайын алатын болады. Жәрдемақы көлемі биыл 29 699 теңгені құраған.

Көп балалы аналар

Отбасы саясатын нығайту мақсатында мемлекет тарапынан көп балалы аналардың мәртебесі мен беделін арттыру үшін әлеуметтік қолдау шарасы ретінде оларға да арнайы жәрдемақы қарастырылған.

"Алтын алқа", "Күміс алқа" белгілерімен марапатталған немесе бұрын "Батыр ана" атағын алған, I және II дәрежелі "Ана даңқы" ордендерімен марапатталған көп балалы аналарға

6,4 АЕК немесе 2018 жылы 15 392 теңге төленеді.

Бірге тұратын төрт және одан көп кәмелетке толмаған балалары бар көп балалы отбасыларға (арнаулы мемлекеттік жәрдемақы 2018 жылдың 1 қаңтарына дейін тағайындалған отбасыларға ғана төленеді):

4,16 АЕК немесе 2018 жылы 10 005 теңге.

Фото: Babymir.net

Фото: Babymir.net

Жаңа форматтағы атаулы әлеуметтік көмек

2018 жылдың 1 қаңтарынан бастап жағдайы төмен отбасыларға көрсетілетін атаулы әлеуметтік көмек жаңа тәртіп бойынша төленеді. Яғни атаулы әлеуметтік көмек, 18 жасқа дейінгі балаларға төленетін жәрдемақы, төрт және одан да көп балалары бар отбасыларға төленетін арнаулы мемлекеттік жәрдемақы біріктірілген.

Айта кетейік, үш жәрдемақының жалпы сомасы тұрмысы төмен отбасылардың әр мүшесіне ай сайын 6396 теңгені құрайтын. Ең төменгі күнкөріс деңгейінің 10 процентке көтерілуіне байланысты әрбір жан басына қосымша берілетін көмектің сомасы 2500 теңгеге артады.

Атаулы әлеуметтік көмек шартсыз және шартты ақшалай көмек болып бөлінеді. Яғни тұрмысы төмен отбасылар бұл көмекті алу үшін мемлекет қойып отырған шарттарды орындауы тиіс.

Фото: Babymir.net

Фото: Babymir.net

Шартты ақшалай көмекке жанұяда кем дегенде еңбекке жарамды бір мүшесі бар отбасылар ие бола алады. Олар әлеуметтік келісімшартқа қол қойып, жұмыспен қамту шараларына міндетті түрде қатысқан кезде ғана беріледі. Яғни мемлекет еңбеккке қабілетті азаматты жұмысқа орналастырып, кәсібін ашқысы келетіндерге микрокредиттер береді.

Егер азамат әлеуметтік келісімшартқа отырудан бас тартып жатса, онда атаулы әлеуметтік көмек тағайындалмайды. Сондай-ақ, жұмыспен қамту шараларына қатысуды өз еркімен тоқтатса, онда төленіп жатқан атаулы әлеуметтік көмек те тоқтатылатын болады.

Ал шартсыз ақшалай көмек еңбекке қабілетті азаматтары жоқ немесе орынды себептермен жұмысқа шыға алмайтын отбасыларға беріледі. Мәселен, отбасында 7 жасқа дейінгі баланы қарайтын немесе мүгедек баланы бағып отырған, немесе мүгедек жанды күтіп отырғандар, әрине, жұмысқа шыға алмайды. Осындай отбасыларға шартсыз көмек көрсетіледі. Көп балалы жалғызбасты аналарға да шартсыз ақшалай көмек көрсетіледі.

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
27
0
0
0
4
0
2
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel