RU
Ауа райы: Еліміздің кей өңірлерінде аптап ыстық сақталады
Жаңалықтар Қоғам

Ауа райы: Еліміздің кей өңірлерінде аптап ыстық сақталады

Рассказать Вконтакте

"Қазгидромет" РМК синоптиктерінің болжамынша, Қазақстанның басым бөлігінде жауын-шашын болмайды. Тек елдің солтүстігі мен шығысында ғана кей жерлерде өткінші жаңбыр жауады. Найзағай ойнап, жел күшейеді, оңтүстік өңірде жел шаңды дауылға ұласады.

ьфлмь дмлиз

Түнде және күндіз солтүстікте, орталықта және шығыста тұман түседі. Күндіз солтүстікте бұршақ жаууы да ықтимал.

Түркістан, таң ата және күндіз Қызылорда, облыстарының кей жерлерінде желдің жылдамдығы секундына 15-20 метрге жетіп, арты шаңды дауылға ұласады. Таң ата және күндіз найзағай ойнап, бұршақ жаууы ықтимал.

Шығыс Қазақстан, Қарағанды, Солтүстік Қазақстан облыстарында күндіз жел секундына 15-20 метр жылдамдықпен соғады. Түнде және күндіз кей жерлерге тұман түседі.

Шығыс Қазақстан, Солтүсік Қазақстан облыстарында күндіз найзағай ойнап, бұршақ жаууы ықтимал.

Павлодар облысының кей жерлерінде найзағай ойнап, бұршақ жаууы мүмкін. Желдің жылдамдығы секундына 18 метр болады.

Қостанай облысында найзағай ойнап, тұман түсіп, желдің күші секундына 15-20 метрге жетеді. Ақмола облысында найзағай ойнап, бұршақ жаууы мүмкін.

Батыс Қазақстан облысында күндіз кей жерлерде желдің жылдамдығы секундына 15-20 метрге жетеді. Маңғыстау, Атырау, Ақтөбе, Батыс Қазақстан облыстары мен Қостанай, Қарағанды облыстарының кей жерлерінде аптап ыстық болады.

Қызылорда, Түркістан облыстарында және Ақтөбе, Атырау, Батыс Қазақстан, Маңғыстау, Қостанай, Қарағанды, Жамбыл, Алматы облыстарының кей жерлерінде күн қатты ысып, өрт қаупі туындайды.

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
0
2
1
0
0
1
0
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel