"Жарылып кетпесе екен": Ернін үлкейткен жігіт үшін жақындары алаңдап жүр

Манчестердің 24 жастағы тұрғыны өзінің жіңішке ернінен ұялып, оны үрлетіп тастауды жөн көрген. Енді оның жақындары ерні жарылып кетпесе екен деп тілеп жүр. Бұл туралы fishki.net сайтына сілтеме жасаған NUR.KZ хабарлайды.

Джэймс Холт есімді британдық жігіт 16 жасынан бастап өзінің жіңішке еріндерінен ұялып, пластикалық отаның көмегіне жүгіне бастапты. Қазір жасы 24-ке келген азамат пластикалық оталарға 14 мың фунт (6 миллион 370 мың теңге) жұмсапты. Мұнымен қоймай, ол ай сайын ауыр уколдар қабылдайды екен.

Джэймстің айтуынша, бір кездерде ерін үлкейту оған қиындықтар әкеліпті. Алайда ол "қызықсыз әрі іш пыстыратын" жігіт болмас үшін әрі қарай ота жасатуды жалғастыра бермек екен.

Еріннен басқа, Холт мұрнына екі ота жасатып, бетін тартқызған екен. Ол өз бет-әлпетіне көңілі толмайынша, ота жасатуды тоқтатпайтын көрінеді.

Джэймс адамдардың оған деген көзқарасын байқағанды ұнататынын айтты. Бірақ оның достары мен туыстары сырт келбетіндегі өзгерістерді жақтырмаған көрінеді. Олар Джэймстің еріні тым үлкен екенін айтып, жарылып кетпесе екен деп тілейді екен.