RU
Демалыстан келген Назарбаев бірнеше шенділерді шақырып, кеңес өткізді
Жаңалықтар Саясат және экономика

Демалыстан келген Назарбаев бірнеше шенділерді шақырып, кеңес өткізді

Рассказать Вконтакте

Елбасы Нұрсұлтан Назарбаев Бесінші Каспий саммитіне дайындық мәселелері жөнінде кеңес өткізді деп хабарлайды Ақорданың баспасөз қызметіне сілтеме жасаған NUR.KZ.

Назарбаев

Жиынға Президент әкімшілігінің басшысы Әділбек Жақсыбеков, Сыртқы істер министрі Қайрат Әбдірахманов, президенттің көмекшісі Нұрлан Онжанов, Қорғаныс министрі Сәкен Жасұзақов және орталық мемлекеттік органдардың өкілдері қатысты.

Басқосуда Каспий теңізінің құқықтық мәртебесі туралы конвенцияға және өзге де келісімдерге қол қоюға әзірлік барысы талқыланды, сондай-ақ, мемлекет басшысының қатысуымен өтетін алдағы халықаралық іс-шаралар кестесі қарастырылды.

"Біз Каспий саммитіне көп жылдар бойы дайындалдық. Сарапшыларымыз шетелдік әріптестерімен бірлесіп, ауқымды жұмыс атқарды. Сонымен қатар, Түрікменстанда халықаралық Аралды құтқару қорын құрушы мемлекеттер басшыларының кездесуі өтеді. Біз соған қатысуымыз керек", – деді Қазақстан президенті.

Кеңесте Сыртқы істер министрі Әбдірахмановтың Бесінші Каспий саммитіне дайындық барысы жөніндегі есебі тыңдалды.

"Бесінші Каспий саммитінің аясында Каспий теңізінің құқықтық режімін анықтау үшін көп жылғы келіссөздерді аяқтау жоспарлануда. Каспий жағасындағы елдердің теңізді пайдалану жөніндегі құқықтары мен міндеттеріне байланысты бүкіл мәселелерді реттеуге мүмкіндік беретін Каспий теңізінің құқықтық мәртебесі туралы конвенция саммиттің негізгі құжаты болып саналады", – деді министр.

Нұрсұлтан Назарбаев Каспий маңы елдері арасындағы өзара тиімді экономикалық қарым-қатынастарды нығайтуға бағытталған Конвенцияға қол қоюдың маңыздылығын ерекше атап өтті.

Жиын соңында мемлекет басшысы Бесінші Каспий саммитін өткізуге дайындық жөніндегі жұмыстарды жалғастыруды тапсырды.

Сіздің реакцияңыз
6
1
1
0
0
0
1
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel