Ғасыр соңына қарай Қытайда халық жаппай қырылуы мүмкін

21 ғасырдың соңына қарай климаттың өзгеруінен Қытайдың халық тығыз қоныстанған және ауыл шаруашылығы дамыған ауданы адам өмірі үшін Жер бетіндегі ең қауіпті орынға айналуы мүмкін. Бұл туралы Sputnik Қазақстан агенттігіне сілтеме жасаған NUR.KZ хабарлайды.

Массачусетс технология институтының ғалымдары осындай болжам жасап отыр екен.

Соңғы зерттеулер дені сау адамның 35 градус (Цельсий бойынша) пен жоғары ылғалдылық кезінде ашық аспан астында алты сағаттан кейін өлетінін көрсеткен.

Ал алқаптары үнемі суарылып отыратын Солтүстік Қытай жазығында сулану процесі қатты жүреді. Мұндай ылғалдылық жоғары температурамен қосылып, өңірді фермерлер үшін өте қауіпті аймаққа айналдырмақ.

Соңғы жарты ғасырда Қытайда экстремалды ыстық толқындар әжептәуір ұлғайған. 2013 жылы аптап ыстық 50 күнге дейін сақталып, ең жоғары температура 38 градустан асқан еді (Цельсий бойынша). Сол жолы Шанхай 141 жылдық температура рекордын орнатып, ондаған адам қаза тапқан болатын.