"Тонировкаңды шеш": Полицейлер терезесін қараңғылап алған көлік жүргізушісін жазалады (фото, видео)

Алматыда тәртіп сақшылары Сайын мен Мұстафин көшелерінің қиылысында терезесін заңсыз түрде қараңғылап алған 19 жастағы көлік жүргізушісін тоқтатты. Қалалық ІІД баспасөз қызметінің мәлімдеуінше, ол көлігіне тонировка мен қоса тыйым салынған құрылғыларды орнатып алған деп хабарлайды NUR.KZ.

"Тойота Камри" көлігінің жүргізушісі терезесін қараңғылатып алғаны мен қоса қызыл және көк түсті стробоскоптарды заңсыз түрде орнатқаны үшін тоқтатылған.

19 жастағы ер бала не үшін оларды жасатқанын жөнді түсіндіре алмады.

Ол оқиға орнында тонировкасы мен заңсыз құрылғыларын шешуге мәжбүр болған.