RU
"Әр пышақ тыққанда шыңғырған": Шымкентте ұлы аяусыз өлтірілген ана көз жасын тоқтата алмады (видео)
Жаңалықтар Қоғам

"Әр пышақ тыққанда шыңғырған": Шымкентте ұлы аяусыз өлтірілген ана көз жасын тоқтата алмады (видео)

Рассказать Вконтакте

Шымкентте жүрегі қан жылаған ана әділдік таппай әр есікті қағып, талай табылдырықты тоздырғанын айтады. Бұған себеп ұлын қатігездікпен пышақтап өтіргендердің тек біреуі ғана қамалып, қалғандарының әлі күнге дейін бостандықта жүруі деп хабарлайды ТВК арнасына сілтеме жасаған NUR.KZ.

Марқұм жігіттің анасы. Кадр ТВК арнасындағы видеодан алынды

Марқұм жігіттің анасы. Кадр ТВК арнасындағы видеодан алынды

Кісі өлімімен аяқталған оқиға осыдан екі ай бұрын, яғни 24 маусымда орын алған. Туыстарының айтуынша отбасына жақсы таныс азаматтар ағайынды Хасан мен Хусанды жерге кездесуге шақырады.

Сөйтіп, кешкі сағат онның кезінде тараптар арасында белгісіз себептермен төбелес басталады. Күдіктілердің бір бөлігі Хасанға жұдырық жұмсап, ұстап тұрыпты. Ал екінші бөлігі бұл уақытта Хусанды аяусыз пышақтаған дейді туыстары.

"Хусан әр пышақ тыққанда шыңғырған. Жүрегіне екі рет пышақ ұрған. Үстінің бәрі қан. Көмектес Хасан деп жылаған. Мына жердегі адамдардың барлығы көріп, қарап тұра берген", - дейді марқұмның әпкесі Камала Турдиева.
Марқұм жігіт. Кадр ТВК арнасындағы видеодан алынды

Марқұм жігіт. Кадр ТВК арнасындағы видеодан алынды

Күдіктілер үшінші куәгер келгенде ғана пышақтауын доғарыпты. Сол кезде Хасан қанға бөккен сыңарын көтеріп аруруханаға кеткен. Жолай жедел жәрдемге хабарласыпты. Қара жамылған отбасы полицейлер істі әділ жүргізеріне сенгендерін айтады. Алайда, олай болмады деп ашынып отыр.

"Неге қылмыскерлер қашып жүрді 10 күн. Ұсталғаннан кейін оларға ештеңе болған жоқ. Жібере салды. Неге?", - дейді марқұмның әпкесі Камала Турдиева.

Тараптардың не себепті жаға жыртысқаны, жәбірленушіні не үшін өлтіргені белгісіз. Белгілісі Хусанның артында аяулы жары мен балалары қалды. Ал жергілікті тәртіп сақшыларының істі әділ жүргізеріне сенбеген туыстары, жоғарыдағы басшылардан көмек сұрап отыр.

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
8
6
39
25
1
4
2
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel