Ауа-райы болжамы: Бүгін еліміздің бірнеше өңірінде бұршақ жаууы мүмкін

Синоптиктердің болжауы бойынша, бүгін 23 тамыз күні еліміздің кей облыстарында бұршақ жаууы мүмкін деп хабарлайды "Қазгидромет" орталығына сілтеме жасаған NUR.KZ.

Фото: BNews.kz

Шығыс Қазақстан облысының кей жерлерінде  жел 15-20 м/с күшейіп, бұршақ болуы мүмкін.

Ақмола, Павлодар облыстарының кей жерлерінде жел 15-20 м/с күшейіп тұман  күтіледі. Түркістан, Батыс Қазақстан, Қостанай облыстарының, күндіз Жамбыл, Атырау, Ақтөбе, Қарағанды облыстарының кей жерлерінде желдің күші 15-20 м/с жетеді.

Солтүстік Қазақстан облысында түнде және таңертең кей жерлерінде тұман күтіледі.  

Қызылорда, Жамбыл, Түркістан облыстарында, Ақтөбе, Атырау, Маңғыстау, Қарағанды, Қостанай облыстарының  кей жерлерінде төтенше өрт қаупі күтіледі.