Алматы облысында жас жігітті темекі үшін өлтіріп тастады
Опубликовано:
Алматы облысында жас жігітті темекі үшін өлтіріп тастады. Кафеде туындаған даудан соң Жасұлан Тәттібаев көп қан жоғалтып, қаза тапқан деп хабарлайды Tengrinews.kz сайтына сілтеме жасаған NUR.KZ.
Оқыс оқиға жайлы марқұмның ағасы айтып берген.
Ерлан Тәттібаевтың айтуынша, кафеде оның інісіне танысы келіп, темекі сұраған. Бірақ, марқұм темекі беруден бас тартқан. Осыдан кейін кикілжің туындап, атыс болған. Ерлан жарақат алып, Жасұлан қаза тапқан.
Қазір қаза табушының жақындары полицияға шағымданған.
Ішкі істер департаментінің хабарлауынша, осы іске қатысты 4 адам ұсталып, тергеу амалдары жалғасуда.
Мақаланың түпнұсқасы: https://kaz.nur.kz/accidents/1749015-almaty-oblysynda-zas-zigitti-temeki-sin-ltirip-tastady/
