RU
"Киелі Қазақстан: Тараз – тарих айнасы" атты конференция болып өтеді (видео)
Жаңалықтар Қоғам

"Киелі Қазақстан: Тараз – тарих айнасы" атты конференция болып өтеді (видео)

Рассказать Вконтакте

28 тамызда сағат 15.00-де Тараз қаласының "Достық" үйінде Жамбыл облысы әкімдігі ішкі саясат басқармасының ұйымдастыруымен "Болашаққа бағдар: Рухани жаңғыру" бағдарламалық мақаласы аясында "Киелі Қазақстан: Тараз – тарих айнасы" тақырыбында ғылыми тәжірибелік конференция өтеді деп хабарлайды NUR.KZ.

Фото: mfa.kz

Фото: mfa.kz

Конференция жұмысына арнайы қонақ ретінде "Қасиетті Қазақстан" ғылыми-зерттеу орталығының басшысы Берік Әбдіғалиұлы, Л.Гумилев атындағы Евразия Ұлттық университетінің профессоры Айман Медеубайқызы, "Қазақстан Республикасы ардагерлер ұйымы" Орталық кеңесінің төрағасы Өмірзақ Озғанбайұлы рухани мұрасы бай еліміздегі тарихи зерттеулер туралы баяндайды. 

Конференция жұмысына Мұхаммед Хайдар Дулати атындағы Тараз мемлекеттік университеті, Тараз мемлекеттік педагогикалық университеті және Тараз инновациялық гуманитарлық университетінен таңдаулы ғалымдар қатысады. 

Айта кетейік, Тараздағы «Достық» үйінде өтетін конференция барысында жиында Айман Досымбаева, Берік Әбдіғалиұлы, Өмірзақ Озғанбаев, Асқар Абдуалы секілді ғалымдар баяндама жасайды. Сондай-ақ кешті облыс әкімі ішкі саясат басқармасының басшысы Берік Құрманғали жүргізеді.

Тағы бір айта кететіні, ғылыми тәжірибелік конференция барысында бір топ азаматтар «Алаш үкіметі мен Алаш автониясының 100 жылдығы құрметіне арналған естелік медальмен марапатталмақ. Олардың арасында жазушылар Несіпбек Дәутайұлы, Елен Әлімжан, Мақұлбек Рысдәулет және мәдениет саласының үздігі Тәкен Молдақынов те бар.

Жамбыл облысы әкімдігінің мәдениет, архивтер және құжаттама басқармасының "Тарихи-мәдени ескерткіштерді қорғау және қалпына келтіру дирекциясы" коммуналдық мемлекеттік мекемесінің басшысы Сейтжан Ілиястың айтуынша, "Қасиетті Қазақстан" ғылыми-зерттеу орталығы құрған ұлттық сарапшылар кеңесі Жамбыл облысынан "Қазақстанның қасиетті жерлерінің географиясы" тізіміне 8 жалпыұлттық және 27 өңірлік деңгейдегі тарихи-мәдени нысандарды "қасиетті жерлер" тізіміне енгізген.

Атқарылған жұмыстарды жалғастыру мақсатында үстіміздегі жылы «Рухани жаңғыру» кіші бағдарламасының «Қасиетті Қазақстан» базалық бағыты бойынша «Әулиеатаның киелі жерлерінің» электронды картасын дайындау жобасы да бекітілген.

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
0
0
0
0
0
2
0
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel