RU
"Ашуланып кеттім": Теміртауда кішкентай қызды тұншықтырған тәрбиеші өз әрекетін түсіндірді
Жаңалықтар Қоғам

"Ашуланып кеттім": Теміртауда кішкентай қызды тұншықтырған тәрбиеші өз әрекетін түсіндірді

Рассказать Вконтакте

Теміртауда кішкентай қызды тұншықтырып ұйықтатпақ болған тәрбиеші, өзінің дөрекі әрекетін түсіндірді. "Домик" атты балабақшаның қызметкері жылап жатқан баланың басын көрпемен орап, тыныштандырмақ болған деп хабарлайды NUR.KZ.

Фото: Видеодан кадр

Фото: Видеодан кадр

Қылмыстық іс бойынша жауап берген балабақша қызметкері ашуға бой алдырып, өз-өзін ұстай алмағанын айтты. 50 жастағы әйелдің айтуынша, қыз бала еркелеп түскі уақытта ұйықтамай қойған. Ол балақайдың төсектің үстінде секіріп, басқаларға ұйықтауға мұрша бермегенін айтты.

Білім министрлігінің мәлімдеуінше, балабақша тәрбиешісін жұмыстан шығарып жіберген.

"Ол кісімен ресми түрде еңбек қарым-қатынастары тоқтатылды. Білім министрлігінің балаларды қорғау комитетіне арнайы хат жолданып, бақылау департаментінің мамандары ескертілді. Оқиға мамыр айында орын алған" , - деп жазды Теміртаудағы білім бөлімінің баспасөз қызметі.

Баспасөз қызметі балабақшаның мемлекеттік емес екенін хабарлады.

Айта кетейік, ашуға булыққан тәрбиеші кішкентай қызды тынышталдырмақ болып оны тұншықтырған. Оқиға орнынан түсірілген видео желіге тарап кеткендіктен, орын алған жағдайға қатысты қылмыстық іс қозғалды. Видеоны түсірген басқа күтуші іс бойынша куәгер ретінде өтіп жатыр.

Бұл оқиғадан кейін, көпшілік ата-ана балаларын аталмыш балабақшадан алып кетуде.

Балабақша директоры әрбір ата-ананы өзі қабылдап, қызметкерінің ерсі қылығы үшін кешірім сұрауға даяр.

Сіздің реакцияңыз
0
2
18
1
0
2
0
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel