Ақтөбеде супермаркеттен "Киндер сюрприз" ұрлаған жас жігіт сотталып кетті

Ақтөбеде бірнеше рет ұрлық жасаған 23 жастағы жігіт ұсталды. Ол қымбат ұялы телефонды ұрлап, сатып жіберген. Кейін ірі супермаркеттен "Киндер сюрпризді" қорабымен алып кеткен деп хабарлайды Aktobenews сайтына сілтеме жасаған NUR.KZ.

№2 Ақтөбе қалалық сотында А.Азаматқа қатысты Қылмыстық кодекстің "Ұрлық" бабы бойынша іс қаралды.

Іс материалына сүйенсек, бұған дейін бірнеше рет сотталған А.Азамат "Керуен сити" ойын-сауық кешенінде жүрген адамның қалтасынан "Iphone 6" ұялы телефонын жымқырып кетті. Кейін ұялы телефонды сатып, ақшаны өз қажеттілігіне жұмсап жіберген.

Қылмыстық істі әрі қарай жалғастырып, сотталушы А.Азамат қаладағы ірі супермаркеттердің біріне кіріп, 37 дана "Киндер сюрпризді" алып кеткен. Сот отырысы кезінде айыпталушы өз кінәсін толық мойындап, ұрлықпен тапқан заттарының бәрін сатқанын айтып берді.

Бұған дейін сот алдына келіп, екі тараптың татуласуынан соң қылмыстық іс тоқтатылса, соңғы істе ол "Ұрлық" бабы бойынша 1 жыл 6 айға бос бас бостандығынан айырылды.