"Қалаулымда" ән салған шашы қысқа қазақ қызын жұрт сынап тастады (видео)
Опубликовано:
Анасымен бірге жанды дауыста ән шырқап, желіде танымал болған Гүлмира Ізбасханова есімді әнші жақында тағы да ел назарына ілікті. Екінші маусымын бастаған "Қалаулым" бағдарламасына қонақ болып барған қыздың образын жұрт сынап тастады деп хабарлайды NUR.KZ.
Instagram желісіне түрлі видеоларын жариялап отыруды әдетке айналдырған Гүлмира бүгінде біршама танылып үлгерген.
Парақшасына 140 мыңға жуық жазылушыны жинаған ол өзінің ерекше образынан еш қысылмайды.
Шашы тым қысқа әрі үнемі "жігіттерше" киініп жүретін Гүлмира елдің пікіріне мүлде құлақ аспайтын сыңайлы. Тіпті ол жақында ғана шашын күлгін түске бояп тастаған.
Өзімен қоса анасын да желіде "жұлдыз" қылған Ізбасханова "Қалаулымда" ән салған сәтінен видео жариялады. Әнші қыз бұл жолы да елдің қызу талқысына түсті.
Көпшілік оны ер мінезділігі мен киіну үлгісін сынап, өз ақыл-кеңестерін айтқан.
Мақаланың түпнұсқасы: https://kaz.nur.kz/society/1750017-kalaulymda-n-salgan-sasy-kyska-kazak-kyzyn-zrt-synap-tastady-video/
