Геннадий Головкиннің бапкері өз боксшысының жекпе-жектен кейінгі әсерімен бөлісті. Абел Санчестің айтуынша, GGG енді Лас-Вегаста әділ төрешілік бар екеніне сенбейді.. Отандық боксшы төрешілер шешімімен келіспейтініін жеткізіп, олардан көңілі қалғанын айтқан деп жазады vesti.kz сайтына сілтеме жасаған NUR.KZ.
"Кез келген спортшының тобы өздерінің жеңіліп қалғанына қарамастан, жеңіске лайық болғандарын айтады. Ал біздің жағдайда, тек өз айналамыз ғана емес, күллі әлем Головкиннің жеңгенін растауда.
Тек "Канелоға" жеңісті бере салған екі төреші ғана басқалай ойлады. GGG-дің Лас-Вегастағы төрешіліктен көңілі қалды және енді оған сенімсіздікпен қарайтын болады. Ол жеңісті жергілікті боксшыға беріп қоятындарға ашулы. Алайда төрешілер шешіміне қарсы тұра алмайсың. Бірақ Геннадий дүйім жұрт үшін чемпион болып қала бермек" , - деп айтты Абель Санчес.
Мақаланың түпнұсқасы: https://kaz.nur.kz/sport/boxing/1754180-kili-kaldy-golovkinni-tresilikke-katysty-ne-ojlajtyny-belgili-boldy/
