RU
Астанада 10-шы қабаттан құлап кеткен баланы көршісі қағып алды (видео)
Жаңалықтар Оқыс оқиғалар

Астанада 10-шы қабаттан құлап кеткен баланы көршісі қағып алды (видео)

Рассказать Вконтакте

Instagram әлеуметтік желісінде кішкентай баланың оныншы қабаттан құлап кете жаздаған видеосы тарап кетті деп хабарлайды zakon.kz сайтына сілтеме жасаған NUR.KZ.

Фото: Видеодан кадр

Фото: Видеодан кадр

"24 қыркүйек. Астана.Жеңіс-Жангелдина көшесі. 10-шы қабаттан кішкентай бала құлап кете жаздады. Абырой болғанда, төменгі қабаттағы көршісі оны құтқарып қалды",- деп жазылған видео анықтамасында.

Оқиғаның анық-қанығын Төтенше жағдайлар комитеті мәлімдеді. Бұл жағдай "Сарыарқа" ауданында орын алған екен. Ал қоңырау 24 қыркүйек күні сағат 10:16-да түсіпті.

"2018 жылдың 24 қыркүйек күні сағат 10:16-да Жеңіс көшесінің 28- үйінде кішкентай баланың 10-қабаттан құлау қаупі бар деген қоңырау келіп түсті. Қаланың №2 маманданған өрт сөндіру бөлімі сағат 10:22-де оқиға орнына келген.
Алайда бұл уақытқа дейін 2012 жылы туылған баланы 9-шы қабаттағы көршісі құтқарып алған екен. Бүлдіршіннің жағдайы қанағаттанарлық, қазір ата-анасының қасында. Ақпарат расталды, көмекке мұқтаждық жоқ", - деді Төтенше жағдайлар комитеті.

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
0
1
2
1
0
13
0
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel