Бұрынғы колония басшысы Ермегиявқа "ерекше жағдай жасады" деген айыппен сотталып жатыр

Астанада "Астана ЭКСПО-2017" бұрынғы басшысы Талғат Ермегиявқа колонияда "ерекше жағдай жасаған" деп айыпталып отырған колонияның экс-басшысы Нұрлан Әбеновке қатысты сот отырысы өтті деп хабарлайды Tengrinews.kz агенттігіне сілтеме жасаған NUR.KZ.

Сотталушылар қатарында өздерінің қызметтік лауазымын асыра пайдаланды деп айыпталып отырған колонияның бұрынғы екі басшысы бар. Олардың екеуі де бұған дейін қамауға алынған еді.

Сотта қалалық қылмыстық-атқару жүйесі басшысының орынбасары Қазбек Әлімбеков сөз алды. Ол 2017 жылы Ермегиявқа "колонияда ерекше жағдай жасалды" деген мәліметке қатысты тергеу амалдары жүргізілгендігін мәлімдеді.

Әлімбековтың сөзінше, Ермегияев "өзін жөнді ұстағаны әрі түрлі шараларға белсенді қатысқаны үшін" жеңілдетілген режимге ауыстырылыпты.

Сонымен бірге ол, тергеу басталғаннан кейін "оған ерекше жағдай жасадың" деген айыппен қызметінен босатылғанын айтты.

Алдағы уақытта аталған іске қатысты өзге де куәгерлерден жауап алынбақ.