"Екінші Үсенов емеспін": Көлікпен қарсы бағытта жүйткіген алматылық жігіт ағынан жарылды
Опубликовано:
Алматыдағы Әл-Фараби даңғылында жолдың қарама-қарсы бағытымен көлікте жүйткіген алматылық Назар Роллан жол жүру ережесін бұзғаны үшін кешірім сұрап, Tengrinews.kz тілшісіне ағынан жарылды.
Жігіт өзін "екінші Үсенов" санамайтынын алға тартуда.
"Мен екінші Үсенов емеспін. Ешкімді қағып, ешкімге зиянымды тигізген жоқпын. Туыстарым менің әрекетіме наразылық білдірді", - дейді жігіт.
Ол зардап шегуі мүмкін болған адамдар үшін тағы бір рет видеода кешірім сұрамақ ниетте екенін айтуда.
"Бұл менің шынайы кешірім сұрауым болады", - дейді Назар.
Жүргізуші куәлігінен айырылыған жігіт кәсіппен айналыспақ.
Еске салсақ, Назар Роллан әл-Фараби даңғылымен қарсы бағытта жүргені үшін жұрттың ашуын келтірген болатын.
Мақаланың түпнұсқасы: https://kaz.nur.kz/society/1756513-ekinsi-senov-emespin-klikpen-karsy-bagytta-zjtkigen-almatylyk-zigit-agynan-zaryldy/