Әлемдегі ең сұлу бұрынғы ханшайым миллиардерге тұрмысқа шықты (фото)

Саудиялық ханзаданың бұрынғы әйелі, әлемдегі ең сұлу ханшайымдардың бірі саналған Амира ат-Тавиль қайта тұрмысқа шықты. Хас сұлудың бұл жолғы таңдауы БАӘ-нің сымбатты бизнесменіне түскен деп жазады Woman.ru сайтына сілтеме жасаған NUR.KZ.

Амира қазіргі күйеуімен қайда және қашан танысқаны белгісіз.

Желіден осы жылдың қыркүйек айында бұрынғы ханшайымның заңды күйеуі атанған 39 жастағы миллиардер Халифа ибн Бутти аль-Мухайридің тек бір ғана суретін табуға болады.

Британдық Mail Online-дың жазуынша, олардың тойы Парижге жақын жердегі Chateau de Vaux le Vicomte деп аталтын зәулім сарайда өткен.

Бұл тойдың құпия болғаны соншалық интернетке жұбайлардың қуанышты күнін бірде-бір фото таралмаған. Тіпті, той туралы жаңалықтың өзі бір айдан кейін белгілі болып отыр.

Айта кетейік, Амира ат-Тавиль өзінен 28 жас үлкен ханзада Аль-Валида ибн Талалға тұрмысқа шығып, өзі 2013 жылы ажырасуға арыз берген.