RU

Бойжеткенді ақ кілемге орап ұзатқан қазақтар елді таңғалдырды

Әлеуметтік желіде бойжеткенді ақ кілемге салып ұзатып жатқан бір топ әйелдің видеосы пайда болды. Бұл салтты бұрын-соңды көрмеген қазақстандықтар таңданысын жасыра алмай, түрлі пікірлерін білдіруде деп жазады NUR.KZ.

Фото: Видеодан кадр
Фото: Видеодан кадр: UGC

Видеодан ақ кілемде көз жасына ерік беріп отырған ару мен жеңгесін бірнеше әйел жабыла көтереді.

"Қош аман бол" деп әнші қызды ұзатып салса, ақ кілемнің жан-жағынан ұстаған үлкен-кішілі әйелдер есікке қарай алып шыққан.

Ал бұл видеоны тамашалаған оқырмандар "Біз жақта кілеммен өлікті шығарады", "Бір-бірінен озып түсу үшін не болса соны жасайды", "Масқара. Мынадай салтты өмірімде бірінші рет көріп тұрмын".

"Ұят-ай", "Қазақта бар дәстүр ма, өзі?", "Еліміздің қай өңірінде болып жатыр?" деп жарыса жазды.

Мақаланың түпнұсқасы: https://kaz.nur.kz/1757586-bojzetkendi-ak-kilemge-orap-zatkan-kazaktar-eldi-tagaldyrdy.html