Жеңіс Сейдоллаұлы Астанада шығармашылық кешін дүркіретіп өткізді (фото, видео)
Опубликовано:
Кеше Астанада белгілі композитор, әнші Жеңіс Сейдоллаұлының елорданың 20 жылдығына арналған "Саған әнім" атты авторлық ән кеші өтті. Концертке қазақ эстарадасы өкілдерінің көпшілігі қатысты деп хабарлайды NUR.KZ.
Елордадағы "Қазақстан" концерт залында өткен "Саған әнім" ән кешін тамашалауға келген жандардың қарасы қалың болды.
Кешті белгілі әзілкеш Тұрсынбек Қабатов жүргізіп, Мәдина Сәдуақасова, Төреғали Төреәлі, Айқын Төлепберген, Жанболат пен Жазира, Мейрамбек Бесбаев, Мөлдір Әуелбекова, Сәкен Майғазиев сынды белгілі эстрада жұлдыздары өнер көрсетті.
Сондай-ақ, концертте Роза Рымбаева мен Нағима Есқалиева ұлдары Әли Оқапов пен Диас Абылаевпен бірге ән шырқап, көпті таң қалдырды.
Кеш барысында Жеңіс Сейдоллаұлының ұл-қыздары да ән айтып, көпшіліктің ыстық ықыласына бөленді.
Олар сахнада әкелерінің белгілі туындыларын орындады.
Мақаланың түпнұсқасы: https://kaz.nur.kz/showbiz/1761479-zeis-sejdollaly-astanada-sygarmasylyk-kesin-drkiretip-tkizdi-foto-video/