Қазақ әйелі ақшасы болса, жас жігітті сатып алатынын ашық айтты

Қазіргі кезде қоғамда жасы келген әйелдердің ақшасына өмір сүретін альфонс жігіттер көбейген. Алайда орта жастан асқан нәзік жандылар да ақшасы болса, сымбатты ер адамды сатып алудан тайынбайды екен. "Өз ойым" бағдарламасына келген қонақ өзінің альфонс жігіттерге байланысты ойын айтып, жұртты таңғалдырды деп жазады NUR.KZ.

Бағдарламаға арнайы келген қонақ әйел ақшасы болса, жас жігітті сатып алудан бас тартпайтынын жайып салған.

"Бай қуатты болсам, жағдайым келетін болса, неге мен өзіме сондай жігіт сатып алмаймын? Маған мысалға жылу жетіспейді. Ақшамды не істесем де, өзім білемін ғой. Өртеп жібергенше, ақшаны бір жігітке беріп, жағдайын жасамасқа?", - дейді белгісіз әйел.

Айта кетейік, бұл бағдарлама тақырыбы альфонс жігіттерге арналған. Ток-шоуға 51 жастағы америкалық әйелдің жігіт болғанын айтқан Дильшат Әбдірашитов та келген.