RU

Алматыда жарты минуттың ішінде екі млн теңгенің тауарын ұрлағандар іздестіріліп жатыр

Алматыда 25 секунд ішінде екі млн теңгенің тауарын ұрлап кеткен ұрылар іздестіріліп жатыр деп хабарлайды КТК арнасы.

Фото:0552.ua
Фото:0552.ua: UGC

Беттеріне бетпердемен тұмшалап, қолына қолғап киген ұрылар дүкенге таңсәріде түскен.

Қас қағым сәтте көзден ғаып болған әккі ұрыларды тіпті күзет те ұстай алмаған.

"Олар қымбат телефондардың қайда тұрғанын алдын ала білген. Кірген бойда бірден соларға жүгірген. Осыған қарағанда, күнделікті осында кіріп-шығып жүрген адамдардың бірі деп ойлаймыз", - деді дүкен сатушысы Ялкунжан Бишемов.

Айта кетейік, ұрылар дүкеннің бейнебақылау камерасына түсіп қалған.

Мақаланың түпнұсқасы: https://kaz.nur.kz/1762818-almatyda-zarty-minutty-isinde-eki-mln-tegeni-tauaryn-rlagandar-izdestirilip-zatyr.html