Галстук тақпай келген студенттерді ұрған мұғалім жұртты шошытты (видео)

Өзбекстандағы оқу орындарының бірінде мұғалім сабаққа галстук тақпай келген студенттерге қол көтерген. Бұл туралы Sputnik Өзбекстанға сілтеме жасаған NUR.KZ порталы хабарлайды.

Оқытушының студенттерді қатал жазалап жатқан сәтін куәгерлердің бірі видеоға түсіріп алған. Онда егде жастағы мұғалімнің тақта алдында тұрған жігіттерді бірінен соң бірін ұрып жатқанын байқауға болады. Ал таяқ жеген жастар үнсіз күйде тапжылмай тұр.

Жергілікті БАҚ мәліметінше, оқиға Бұхара инженер-технологиялық институтында орын алған. Студенттерге күш қолданған жоғары математика пәнінің мұғалімі екен.