RU

Жамбыл облысында нан бағасы бірден 10 теңгеге қымбаттап кетті

Жамбыл облысында нан бағасы күтпеген жерден 65 теңгеден 75- теңгеге өсіп кетті деп хабарлайды КТК арнасы.

Көрнекі фото: bessarabiainform.in.ua
Көрнекі фото: bessarabiainform.in.ua: Facebook

Қазір көп дүкендерде ас атасының нақты бағасы көрсетілмеген. Бірақ бір бөлке бұрынғыдан 10 теңгеге артық сатылуда. Саудагерлер бүгін нан күндегіден қымбатырақ жеткізілгенін айтып отыр.

Ал бұл жаңалық тек халықты емес, шенеуніктерді де алаңдатып қойған. Өйткені олар да ас атасының бағасы не себепті көтерілгенін білмей отыр.

Ал облыста осы мәселеге байланысты наухабайхана қожайындарының қатысуымен шұғыл жиын өткен. Алайда мәжіліс қорытындысын жариялау келесі күнге шегеріліпті.

Өңірде нанның құны соңғы рет екі жыл бұрын көтерілген.

Дереккөз: КТК арнасы

Мақаланың түпнұсқасы: https://kaz.nur.kz/1764411-zambyl-oblysynda-nan-bagasy-birden-10-tegege-kymbattap-ketti.html