RU

Қарағанды облысында автобус пен жүк көлігі соқтығысып, бір адам қаза тапты

21 қараша күні таңертең Қарағанды облысы Бұқар Жырау ауданындағы "Қызылорда-Павлодар" автожолынан 982 шақырым жерде "Қушоқы-Қарағанды" жазуы бар жолаушылар автобусы мен жүк көлігі соқтығысып қалды. Бұл туралы Төтенше жағдайлар департаменті баспасөз қызметіне сілтеме жасаған NUR.KZ хабарлайды.

Фото: Төтенше жағдайлар департаменті баспасөз қызметі
Фото: Төтенше жағдайлар департаменті баспасөз қызметі: Facebook

Қоғамдық көлік салонында 45 жолаушы болған. Жол апаты нәтижесінде Қарағанды облысының ТЖД Жедел-құтқару жасағының және Апаттар медицинасы орталығының күшімен автобустың 2 қысылған жолаушысы шығарылды.

Оқиға орнында 1990 жылы туған азамат көз жұмып, тоғыз адам Қарағандының №1 ауруханасынасына түрлі жарақаттармен жеткізілген. Зардап шеккендердің ішінде кішкентай нәресте де бар.

Фото: Төтенше жағдайлар департаменті баспасөз қызметі
Фото: Төтенше жағдайлар департаменті баспасөз қызметі: Twitter

Жол апаты орнында құтқару жұмыстарына бес қызметкер мен Қарағанды облысы жедел-құтқару жасағының бір техникасы, сондай-ақ, Апаттар медицинасы орталығының бір техникасы жұмылдырылды.

Мақаланың түпнұсқасы: https://kaz.nur.kz/1764702-karagandy-oblysynda-avtobus-pen-zk-kligi-soktygysyp-bir-adam-kaza-tapty.html