RU

БҚО-да полиция бөлімі бастығының орынбасары парамен ұсталды (видео)

Батыс Қазақстан облысында Тасқалы аудандық полиция бөлімі бастығының орынбасары парамен ұсталды. Ол қылмыстық істі 100 мың теңгеге жауып тастауға уәде берген деп хабарлайды NUR.KZ.

Фото: Видеодан кадр
Фото: Видеодан кадр: Twitter

МҚІСЖҚІА ұсынған видеода күдікті ұсталған соң сыбайлас жемқорлыққа қарсы агенттік қызметкерлері көлік есігіндегі "қалтадан" бірнеше 10 мың теңгені алып, санай бастайды.

Ал тәртіп сақшысының көлігінде Қазақстанның туы ілініп тұрған.

Полицей өз кінәсін мойындаған. Қазір іске қатысты Қылмыстық кодекстің 366-бабына сәйкес сот алды тергеу жұмыстары жүріп жатыр.

Мақаланың түпнұсқасы: https://kaz.nur.kz/1765212-bko-da-policia-blimi-bastygyny-orynbasary-paramen-staldy-video.html