RU

Ақтаудағы моншалар мен түнгі клубтардан отыздан аса жезөкше ұсталды

Ақтау қаласында "Stop-трафик" жедел-профилактикалық шарасы аясында 34 жезөкше ұсталып, адам сату және жеңгетайлық жасау фактісі бойынша бес қылмыстық іс қозғалды. Бұл туралы lada.kz сайтына сілтеме жасаған NUR.KZ хабарлайды.

dailynews.kz
Көрнекі фото:dailynews.kz: Facebook

22 мен 26 қараша аралығында Ақтау қаласының полицейлері моншалар, түнгі клубтар және жалдамалы пәтерлерді тексерген.

"Жедел-профилактикалық шара аясында 34 жезөкше анықталып, тіркеуге алынды. Екі жеңгетай ұсталды", - деп мәлімдеді Маңғыстау облысының полиция департаментінің баспасөз қызметі.

Тексеру барысында қылмыстық кодекстің 449 бабы бойынша әкімшілік тәртіп бұзудың сегіз фактісі тіркелген. Тәртіп бұзушылардың біреуі қабылдаушы-бөлуші мекемеге жеткізілген.

Мақаланың түпнұсқасы: https://kaz.nur.kz/1765918-aktaudagy-monsalar-men-tngi-klubtardan-otyzdan-asa-zezkse-staldy.html