RU

Алматыда рөлге ие бола алмаған жүргізушісі төрт бірдей қоршауды бұзды

Алматыда Рысқұлов даңғылы мен Тілендиев көшесінің қиылысында Mercedes-Benz Е-класс көлігі төрт бірдей қоршауды қиратып кетті деп хабарлайды Sputnik Қазақстан.

Алматыда
Фото: Спутник Қазақстан: Instagram

Куәгерлердің сөзінше, апатқа ұшыраған көлік алдымен Рысқұлов бойымен шығыс бағытта қатты жылдамдықпен зулатып келе жатыпты.

Тілендиев көшесіндегі қиылыстан өте берген кезінде жүргізуші рөлге ие бола алмай қалған. Салдарынан көлігі бордюрге шығып кетіп, металл қоршаудың төрт бөлігін бұзыпты.

Жол апатынан көлік жүргізушісі зардап шегіп, әртүрлі жарақатпен ауруханаға жеткізілді.

Оқиға орнында жол полициясы қызметкерлері жұмыс істеп жатыр.

Мақаланың түпнұсқасы: https://kaz.nur.kz/1766927-almatyda-rlge-ie-bola-almagan-zrgizusisi-trt-birdej-korsaudy-bzdy.html