RU
Жамбыл облысында оқушыларға мектеп салып берген кәсіпкер елді сүйсінтті
Жаңалықтар Қоғам

Жамбыл облысында оқушыларға мектеп салып берген кәсіпкер елді сүйсінтті

Рассказать Вконтакте

Жамбыл облысындағы "Шаушен" қожалығының иесі Сайрамбай Дөненбаев жерлестеріне жомарттығымен танылған. 200 адамды жұмыспен қамтып отырған кәсіпкер, 150 миллион теңгеге шопандардың балаларына мектеп-интернат салып берген. Бұл туралы Астана арнасы хабарлайды.

Астана арнасының материалынан скриншот

Фото:Астана арнасының материалынан скриншот
Source: Facebook

Кәсіпкердің мал шаруашылығымен айналысқанына 22 жыл болыпты. 20 жылқы, 20 ірі қара, 500 бас қоймен бастаған кәсіпкердің қазір қой басы 52 мыңға, жылқы саны екі мың 200-ге жетіпті.

Биыл Біріккен Араб әмірлігі мен Иранға сегіз мың бас қой жіберіпті.

Қызметкерлерін ынталандыру мақсатында кәсіпкер шопандарға жыл сайын 500-600 бас қой береді екен.

20 шопанға жекешелендіру құқығымен 10 үй тұрғызып берген кәсіпкер қызметкерлерінің балаларына арнап мектеп-интернат пен 92 орындық балабақша салғызыпты.

"Қалада жоқ нәрсе ауылда бар бізде. 12 жыл еңбек еткеніміз үшін үй тарту етті. Кейбіреулерге көлік берді. Әркімге еңбегіне қарай береді", - деді шаруа қожалықтың бригадирі Жандос Айтжанов.

Кәсіпкердің ендігі жоспары жылына халық игілігіне 50 млн теңге бөліп, спорт сарайы мен 60 орындық балабақша салу екен.

Д. Әлімқұл

Сіздің реакцияңыз
0
0
0
0
0
29
2
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel