RU

Ауа райы: Еліміздің бірқатар аймағында тұман түсіп, көктайғақ болады

Антициклон ықпалынынан Қазақстанның басым бөлігінде ауа райы жауын-шашынсыз болады. Тек республиканың батыс және оңтүстік аудандарында фронталды бөліктердің өтуіне байланысты қар жауып, көктайғақ болады деп күтілуде деп хабарлайды Қазгидромет.

Ауа райы: Еліміздің бірқатар аймағында тұман түсіп, көктайғақ болады
Көрнекі фото: Қазгидроомет: UGC

Синоптиктердің болжамынша, еліміздің кей жерлерінде тұман түсіп, жел соғады.

Алматы облысы Жалаңашкөл ауданында жел 18-23 м/с, екпіні 28 м/с күшейеді. Түнде және таңертең тұман түседі.

Қызылорда, Жамбыл облыстарында жел 15-20 м/с күшейі, таңертең және күндіз кей жерлерде көктайғақ болады. Түркістан облысының кей бөліктерінде тұман түсіп, таңертең және күндіз 15-20 м/с жылдамдықпен жел соғады.

Шығыс Қазақстан облысының кей жерлерінде тұман түсіп, бұрқасын жүреді. Желдің жылдамдығы 15-20 м/с-ға жетеді.

Қарағанды, Қостанай, Солтүстік Қазақстан, түнде және таңертең Маңғыстау облыстарында тұман түсіп, күндіз Қарағанды облысының кей жерлерінде 18 м/с жылдамдықпен жел соғады.

Атырау, Батыс Қазақстан облыстарының кей жерлерінде тұман түсіп, көктайғақ болады.

Мақаланың түпнұсқасы: https://kaz.nur.kz/1767543-aua-rajy-elimizdi-birkatar-ajmagynda-tman-tsip-kktajgak-bolady.html