Выйти
RU

Қайрат Жамалиевке қатысты қылмыстық іс тоқтатылды

Рассказать в Telegram Рассказать Вконтакте

Астана қаласының тұрғынының арызы бойынша ашылған атышулы кәсіпкер Қайрат Жамалиевке қатысты қылмыстық іс тоқтатылды деп хабарлайды Zakon.kz сайтына сілтеме жасаған NUR.KZ.

bnews.kz

Фото:bnews.kz

Астаналық полиция департаменті баспасөз қызметінің мәліметінше, екі тараптың бейбіт келісімге келуіне байланысты тергеушілер осындай шешім шығарған.

Қылмыстық іс 17-ші желтоқсан күні тоқтатылған.

Еске сала кетейік, "Әліби ісі бойынша" басы дауға қалған астаналық кәсіпкер Қайрат Жамалиевті тағы да қылмыстық істерге қатысы бар деп күдікке ілінген болатын.

Полицияға 36 жастағы Астана тұрғыны шағымданып, кәсіпкердің оны соққыға жыққанын хабарлаған. Кәсіпкерге қатысты "Бұзақылық" бабы бойынша қылмыстық іс қозғалған болатын. Жамалиевтен ешқайда кетпеу туралы қолхат алынған.

Осыдан үш жыл бұрын кәсіпкерді Әліби Жұмағұловтың әкесі ұлын ауыр соққыға жыққаны үшін айыптаған еді. Нәтижесінде Жамалиев 13 жылға сотталды, бірақ биыл тұтқындалу мерзімі айыппұлға алмастырылған болатын.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Қайрат Жамалиевке қатысты қылмыстық іс тоқтатылды