Өзбекстанда тұрғын үй сатып алған қазақстандықтар тұру ықтиярхатын алады

Өзбекстан басшысы Шавкат Мирзияев 109 елдің азаматтарына Өзбекстанда жылжымайтын мүлік сатып алу кезінде тұруға ықтиярхат берілетіні туралы Жарлыққа қол қойды, деп хабарлайды "Gazeta.uz" сайтына сілтеме жасаған NUR.KZ.

Дегенмен, Өзбекстанда сатып алынған тұрғын үй тұруға рұқсат алу үшін кейбір талаптарға сәйкес болуы тиіс.

Жылжымайтын мүлік белгілі бір баға санатында болуы тиіс. Әр түрлі облыстар үшін әр түрлі бағалар қарастырылған.

Мысалы, Ташкент және Ташкент облысында құны кемінде 400 мың долларға (шамамен 150,5 млн теңге), Самарқанд облысында кемінде 200 мың долларға (75,2 млн теңгеден астам), ал Қарақалпақстанда және басқа да облыстарда кемінде 100 мың долларға (шамамен 37,5 млн теңге) баламалы болуы тиіс.

Сайтта 109 елдің тізімі ұсынылған, олардың ішінде Қазақстан да бар, олардың тұрғындары жылжымайтын мүлікті сатып алу себебі бойынша Өзбекстанда тұруға рұқсат алуға үміткер бола алады.